Վրաստանը մտադիր է անդամակցել Եվրամիությանը մինչև 2030 թվականը, չնայած Բրյուսելի քննադատությանը։ Այս մասին հայտարարել է վարչապետ Իրակլի Կոբախիձեն՝ մեկնաբանելով ԵՄ նոր զեկույցի բովանդակությունը։
«Այս ամենը, իհարկե, խոսում է կրկնակի ստանդարտների և անարդարության մասին։ Սա նշանակում է, որ եվրոպական բյուրոկրատիան լուրջ խնդիրներ ունի։ Ես ևս մեկ անգամ կրկնում եմ, որ մենք տարբեր սպասումներ ունենք Եվրամիությունում վերջնական փոփոխությունների վերաբերյալ։ Մենք ցանկանում ենք դառնալ Եվրամիության անդամ մինչև 2030 թվականը և հույս ունենք, որ մինչ այդ ԵՄ-ում իրավիճակը արմատապես կփոխվի», - ասել է Կոբախիձեն։
Նոյեմբերի 4-ին Եվրոպական հանձնաժողովը հրապարակել է ԵՄ անդամակցության հայտ ներկայացրած 10 երկրներում՝ Ալբանիայում, Բոսնիա և Հերցեգովինայում, Կոսովոյում, Հյուսիսային Մակեդոնիայում, Չեռնոգորիայում, Սերբիայում, Թուրքիայում, Մոլդովայում և Ուկրաինայում քաղաքական զարգացումների վերաբերյալ զեկույցները։
Եվրոպական հանձնաժողովը դրական գնահատական է տվել այս երկրների մեծ մասին։
Այնուամենայնիվ, Վրաստանը միակ թեկնածու երկիրն էր, որի կառավարությունը Բրյուսելի կողմից կոշտ քննադատության է արժանացել իր վերանայման ժամանակ։
Վրաստանը ԵՄ-ին անդամակցելու դիմում է ներկայացրել 2022 թվականին։
