Սա միայն իմ կամ իմ վստահորդի խնդիրը չէ, սա ուղղված է փաստաբանական ինտիտուտի գործունեությանն ու առհասարակ քաղաքացիների պաշտպանությանը: Այս մասին ԱԺ հանձնաժողովի նիստի ժամանակ ասաց փաստաբան Կարեն Ալավերդյանը, որը օրեր առաջ ծեծի էր ենթարկվել իր մասնագիտական գործունեությունը իրականացնելիս ոստիկանի կողմից:
Նշենք, որ ԱԺ մարդու իրավունքների պաշտպանության և հանրային հարցերի մշտական հանձնաժողովը նախաձեռնել է «Բռնության դեպքերի աճը և փաստաբանների մասնագիտական գործունեության առջև ծառացած խնդիրները» թեմայով աշխատանքային քննարկում:
