Հայաստանը չի բարձրացրել ԱՊՀ-ից դուրս գալու հնարավորության հարցը ՀԱՊԿ-ում Երևանի աշխատանքի փաստացի կասեցման ֆոնին։ Այս մասին ՏԱՍՍ-ին հայտնել է ԱՊՀ գլխավոր քարտուղար Սերգեյ Լեբեդևը՝ Հավաքական անվտանգության ապահովման միջազգային ֆորումի շրջանակներում։
«Ո՛չ։ Ինձ և՛ անձամբ վարչապետն է ասել, և՛ շատ ուրիշներ, որ իրենք մնում են ԱՊՀ-ում։ Մենք ոչ մի հայտարարություն չենք լսել այն մասին, որ նրանք պատրաստվում են դուրս գալ»,- ասել է Լեբեդևը՝ պատասխանելով այն հարցին, թե արդյոք Հայաստանում հայտարարե՞լ են ԱՊՀ-ից դուրս գալու ցանկության մասին։
