ԱՄՆ փոխնախագահ Ջեյմս Դեյվիդ Վենսը հայտարարել է, որ Իլոն Մասկը կշարունակի մասնակցել ԱՄՆ կառավարության արդյունավետության դեպարտամենտի (DOGE) աշխատանքներին, չնայած համագործակցության ձևաչափի փոփոխությանը։ Դրա մասին նա հայտնել է Fox News-ին տված հարցազրույցում՝ պատասխանելով կառավարությունում ձեռնարկատիրոջ դերի մասին հարցին։
«Նա ամբողջությամբ չի լքում «ասպարեզը». նա պարզապես ամեն օր Վաշինգտոնում չի լինի, քանի որ ունի հիմնական աշխատանք: Մասկը առաջվա պես կանոնավոր դեր կխաղա»,-պարզաբանել է Վենսը: Փոխնախագահը նշել է, որ Մասկի արդեն իսկ ձեռք բերված աշխատանքը տպավորիչ է և լավատեսություն հայտնեց ապագա հաջողությունների առնչությամբ։
Վենսն ընդգծել է, որ իրականացված նախաձեռնությունները հնարավորություն տվեցին զգալիորեն կրճատել կառավարության ծախսերը։ «Մենք վերացրել ենք հսկայական քանակությամբ վատնումներ և խարդախություններ՝ խնայելով հարկատուների հարյուրավոր միլիարդ դոլարները։ Դա պատմության մեջ կառավարության արդյունավետության ամենանշանակալի բարելավումներից մեկն է»,-ասել է նա։ Ծրագրի արդյունքների լիարժեք գնահատումը, ինչպես կանխատեսվում է, հնարավոր կլինի միայն 2026 թվականին։
Մասկի՝ որպես կամավորական հիմունքներով աշխատող «հատուկ պետական ծառայողի» ժամկետը սահմանափակվում է 130 օրով։ Անցյալ շաբաթ գործարարը հայտարարեց, որ հաջորդ ամսվանից սկսած կրճատելու է իր մասնակցությունը DOGE-ում:
