ՌԴ պաշտպանության նախարարը նախարարության կոլեգիայի նիստում ներկայացրել է ուկրաինական կորուստների մասին ռուսական պաշտպանական գերատեսչության ունեցած տվյալները.
«Հունիսի 4-ին Ուկրաինայի զինված ուժերը սկսեցին լայնածավալ հակահարձակում, որը նախապատրաստվել էր օտարերկրյա կուրատորների կողմից։
Այն ավարտվեց առանց մեր զորքերի մարտավարական պաշտպանության գոտին հաղթահարելու՝ հակառակորդը կասեցվել է և ահռելի կորուստներ կրել։
159.000 սպանված և վիրավոր զինվոր, 121 ինքնաթիռ, 23 ուղղաթիռ, 766 տանկ, այդ թվում՝ 37 Leopard, 2.348 տարբեր դասերի զրահամեքենա, որից 50-ը՝ Bradley։ Ըստ երևույթին, դա է պատճառը, որ մենք դեռ չենք տեսնում մի քանի ամիս առաջ բերված ամերիկացի Աբրամսին մարտի դաշտում։
ՀՌՕ-ի սկզբից ի վեր Ուկրաինայի զինված ուժերի կորուստները գերազանցել են 383,000 սպանված և վիրավորված զինվորական, 14,000 տանկ, հետևակի մարտական մեքենաներ և զրահափոխադրիչներ, 553 ինքնաթիռ և 259 ուղղաթիռ, 8500 հրացան և համազարկային կայանք:
Ուկրաինան իրականացրել է մոբիլիզացիայի 9 ալիք, տասներորդը շարունակվում է. Ներկայումս զորակոչվում են նաև զինծառայության սահմանափակ հնարավորություն ունեցողները։
Հատուկ գործողության սկզբից ակտիվորեն հավաքագրված վարձկանները հիմնականում վերացվել են։ Սպանվել է ավելի քան 5800 զինյալ, այդ թվում՝ 1427-ը՝ Լեհաստանից, 466-ը՝ ԱՄՆ-ից և 344-ը՝ Բրիտանիայից։
Ուկրաինայի տարածքում ոչնչացվել է առանձնակի դաժանություն դրսևորած 103 ռազմական հանցագործ։ Հատուցումը կհասնի բոլորին»։
