Ուկրաինան այժմ գտնվում է ճգնաժամային իրավիճակում։ Լրատվամիջոցներում մեծ աղմուկ և քաղաքական ճնշում կա, հայտարարել է Ուկրաինայի նախագահ Վլադիմիր Զելենսկին Ղրիմի պլատֆորմի չորրորդ խորհրդարանական գագաթնաժողովին ուղղված տեսաուղերձի ժամանակ՝ РБК-Украина-ի փոխանցմամբ։
«Մենք հիմա գտնվում ենք ճգնաժամային իրավիճակում։ Մենք շատ սերտորեն համագործակցում ենք Միացյալ Նահանգների, մեր եվրոպացի գործընկերների և շատ ուրիշների հետ՝ որոշելով այն քայլերը, որոնք կարող են մոտեցնել Ուկրաինայի դեմ Ռուսաստանի պատերազմի ավարտը և իրական անվտանգություն ապահովել բոլորի համար», - ասել է Զելենսկին։
Զելենսկին ընդգծել է այն սպառնալիքը, որը ներկայացնում է Ռուսաստանը՝ փորձելով իրավաբանորեն ձևակերպել իր պահանջները Ուկրաինայի տարածքային ամբողջականության և ինքնիշխանության նկատմամբ՝ այս մոտեցումը տարածելով ամբողջ աշխարհի վրա։
«Լրատվամիջոցներում շատ աղմուկ կա, մեծ քաղաքական ճնշում կա, և ավելի մեծ պատասխանատվություն է կրում այն որոշումը, որը Պուտինը ցանկանում է պարտադրել՝ իրավական ձևակերպում այն բանի, ինչ նա ուզում է. տարածքային ամբողջականության և ինքնիշխանության սկզբունքի խախտման համար», - ընդգծել է Զելենսկին։
«Սա է գլխավոր խնդիրը։ Մենք բոլորս հասկանում ենք, թե սա ինչ է նշանակում։ Նա սա ուզում է ոչ միայն Ուկրաինայից, այլև՝ ամբողջ աշխարհից։ Եվ սա չափազանց վտանգավոր է», - հավելել է նա։
Զելենսկին նաև ասել է, որ Միացյալ Նահանգների հետ համակարգված կերպով Ուկրաինան քայլեր է ձեռնարկում բոլոր բանտարկյալներին ազատ արձակելու և առևանգված երեխաներին վերադարձնելու համար։
