Թուրքական իշխանությունները չեն քննարկում երկրում ռուսական «Мир» վճարային համակարգի աշխատանքի վերսկսման հարցը, РИА Новости-ին հայտնել է թուրքական պետական բանկերից մեկի աղբյուրը։
«Այս մասին որոշումը կայացվում է կառավարության մակարդակով, մենք ստանում ենք հրամանագիր, որին մենք հետևում ենք։ Նման լուծում չկա»,- պարզաբանել է գործակալության զրուցակիցը։ Նաև, նրա խոսքով, պետական բանկերը դեռևս որևէ հանձնարարական չեն ստացել Թուրքիայի և Ռուսաստանի միջև բանկային փոխանցումների հետ կապված խնդիրները լուծելու համար։
Ավելի վաղ, Անկարայի փոխքաղաքապետ Էմրե Դողանը հայտարարել էր, որ ցանկանում է Թուրքիայի կառավարությանն առաջարկել երկրում վերականգնել ռուսական վճարային համակարգի գործունեությունը։ Թուրքական հինգ բանկեր ընդունել են Мир քարտերը, սակայն երկրորդական պատժամիջոցների սպառնալիքի պատճառով դադարեցրել են դրանց սպասարկումը։ 2024 թվականի փետրվարին ԱՄՆ գանձապետարանը պատժամիջոցներ սահմանեց Мир օպերատորի՝ Ազգային վճարային քարտերի համակարգի դեմ։ Դրանից հետո բոլոր «բարեկամ» երկրները դադարեցին ռուսական քարտեր ընդունել։
