Թուրքիան Սիրիայի հյուսիսում քրդական Սիրիայի դեմոկրատական ուժերի (SDF) հետ որևէ զինադադար չի կնքել, ԱՄՆ-ի հայտարարություններն այս մասին կարող են լեզվի սայթաքում լինել, հայտնում է պետական TRT Haber հեռուստաալիքը՝ հղում անելով Թուրքիայի պաշտպանության նախարարության աղբյուրին։
«Թուրքիան ոչ մի բանակցություն չի վարում ահաբեկչական խմբավորումների հետ։ Ինչ վերաբերում է Պետդեպարտամենտի ներկայացուցչի հայտարարությանը (Թուրքիայի և SDF-ի միջև հրադադարի մասին), մենք կարծում ենք, որ դա վերապահում էր», - աղբյուրի խոսքերն է մեջբերում պետական TRT Haber հեռուստաալիքը։
Աղբյուրն ընդգծել է, որ Անկարան վերահսկում է Թուրքիայի և Սիրիայի անվտանգությանը սպառնացող խմբավորումների յուրաքանչյուր քայլ և ձեռնարկում է ակտիվ քայլեր՝ ուղղված դրանց վերացմանը։
Պետքարտուղարության խոսնակ Մեթյու Միլլերը երեքշաբթի օրը կայացած ճեպազրույցում ասել է, որ ԱՄՆ-ի աջակցությամբ սիրիական Մանբիջ քաղաքում հրադադար է ձեռք բերվել Թուրքիայի և SDF-ի միջև, և Վաշինգտոնը ներկայումս բանակցություններ է վարում երկու կողմերի հետ՝ հրադադարի շուրջ առաջընթացի հասնելու համար, մասնավորապես՝ Քոբանի քաղաքում։
