Այսօր Politik.am տեղեկացրել էր, որ համացանցում տարածվում է մի տեսանյութ (այն դիտել է 450 հազար օգտատեր), որը հստակորեն ցույց է տալիս Նիկոլ Փաշինյանի օրոք Հայաստանի բանակում տիրող բացիթողի վիճակը և բարոյահոգեբանական մթնոլորտը։ Տեսանյութում շվեյցարացի Սանդրո Շմիդը մոտոցիկլով հասել է պետության առաջնագիծ, և կադրերում հստակ երևում է մարտական հենակետը։ Նրան են մոտենում զինվորականներ, որոնցից մեկը (հագուստից կարելի է կարծել, որ սպա է կամ առնվազն հենակետի ավագը) հայհոյում է Ռուսաստանի Դաշնության նախագահ Վլադիմիր Պուտինին։ Հայհոյողի կողքին կանգնած են նաև այլ զինվորականներ։
Մեր հրապարակմամբ մենք կոչ էինք արել, որպեսզի ՀՀ ՊՆ-ն արձագանքի և առնվազն ծառայողական քննություն իրականացվի։ Մեր հրապարակումից ժամեր անց ՊՆ-ն հայտարարություն տարածեց, որումա սվում է․«ՀՀ պաշտպանության նախարարությունը, ի պատասխան ԶԼՄ հարցումների, հայտնում է, որ այդ կապակցությամբ նշանակվել է ծառայողական քննություն՝ դեպքի հանգամանքները պարզելու նպատակով»:
