ԱՄՆ-ում պետական ծառայողները կազատվեն աշխատանքից, եթե հաշվետու չլինեն իրենց շաբաթական կատարողականի մասին, ինչպես պահանջում է Իլոն Մասկի գլխավորած կառավարության աշխատանքի արդյունավետության բարձրացման գրասենյակը (DOGE): Այս մասին երեքշաբթի լրագրողներին ասել է ԱՄՆ նախագահ Դոնալդ Թրամփը։
«Եթե չպատասխանեք, կազատվեք աշխատանքից»,- Սպիտակ տանը լրագրողներին ասել է Վաշինգտոնի աշխատակազմի ղեկավարը՝ խոսելով DOGE-ի հարցումներն անտեսելու հետևանքների մասին։
Մասկը ավելի վաղ ասել էր, որ իր գործակալությունը նամակներ է ուղարկում ԱՄՆ կառավարության աշխատակիցներին՝ պահանջելով հինգ կետից բաղկացած զեկույց ներկայացնել իրենց աշխատանքի վերաբերյալ շաբաթվա ընթացքում: Սպիտակ տան մամուլի քարտուղար Քերոլայն Լևիթը փետրվարի 25-ին պարզաբանել է, որ առնվազն 1 միլիոն մարդ արդեն պատասխանել է DOGE-ի հարցմանը:
«Նպատակներից մեկն է պարզել, թե արդյոք այդ մարդիկ նույնիսկ գոյություն ունեն», - ասել է Թրամփը՝ բացատրելով DOGE-ի հարցմանն արձագանքելու անհրաժեշտությունը։ «Մենք ունենք հսկայական կառավարություն, այն միլիոնավոր մարդիկ է: Եվ ոչ ոք չգիտի, թե ով է աշխատում կառավարության համար, ով չի աշխատում։ Մենք պետք է պարզենք՝ արդյոք կա իրավիճակ, երբ մարդիկ վարձատրվում են, բայց չեն աշխատում», - բացատրել է ԱՄՆ նախագահը։ «Եթե չպատասխանեք, ըստ էության, դրան կհետեւի պատիժ, և ձեր աշխատանքը դրանով կավարտվի», - ընդգծել է նա։
Ինչպես փետրվարի 23-ին հայտնել է The New York Times-ը, ԱՄՆ մի քանի գերատեսչությունների ղեկավարություն, այդ թվում՝ Հետաքննությունների դաշնային բյուրոն, Պենտագոնը, Պետդեպարտամենտը, Ազգային հետախուզության գրասենյակը և ներքին անվտանգության վարչությունը, հրամայել են իրենց ենթականերին չպատասխանել DOGE-ի պահանջին:
