ԱՄՆ նախագահ Դոնալդ Թրամփը հայտարարել է գործադիր հրամանագիր ստորագրելու մտադրության մասին, որը կնվազեցնի դեղատոմսով դեղերի արժեքը ամբողջ երկրում 30-80%-ով։ Այս մասին Սպիտակ տան ղեկավարը հայտարարել է Truth Social սոցիալական ցանցում։
Նա ընդգծել է, որ մայիսի 12-ին, ժամը 9:00-ին, կստորագրի «երկրի պատմության մեջ ամենապատմական հրամանագրերից մեկը»։
Թրամփը որոշումը անվանել է «ազգի համար առավելագույն նպաստավոր» քաղաքականություն։ Նրա խոսքով՝ այս միջոցառումը նպատակ ունի վերացնել Միացյալ Նահանգներում դեղերի անարդարացիորեն բարձր գները՝ համեմատած այլ երկրների հետ։
Մեկ օր առաջ Թրամփն իր Truth Social սոցիալական ցանցում գրել էր, որ իր հաջորդ գրառումը կլինի «ամենակարևոր և ազդեցիկ գրառումներից մեկը» իր բոլոր հրապարակումներից։
Նա իր ելույթն ավարտել է օգտատերերին ուղղված կոչով. «Վայելեք»։
