Եկել է Ուկրաինայում ընտրությունների անցկացման ժամանակը, հայտնել է ԱՄՆ նախագահ Դոնալդ Թրամփը։
«Եվ տեսեք, [Ուկրաինայում] եկել է ընտրությունների ժամանակը։ Վաղուց ընտրություններ չեն եղել։ Հիանալի է ասել. «Գիտեք, մենք չենք կարող ընտրություններ անցկացնել»։ Բայց ընտրությունների ժամանակը եկել է»,- ասել է նա չորեքշաբթի Սպիտակ տան մամուլի ծառայությունում:
Ավելի վաղ Թրամփը հայտնել էր, որ Վլադիմիր Զելենսկու վարկանիշն իջել է մինչեւ 4 տոկոս, եւ Ուկրաինան պետք է ընտրություններ անցկացնի, եթե Կիեւը ցանկանում է տեղ ունենալ կարգավորման բանակցությունների սեղանի շուրջ։ Ի պատասխան՝ Զելենսկին ասել է, որ Թրամփը ռուսական ապատեղեկատվության զոհ է դարձել։ Արդեն չորեքշաբթի երեկոյան Թրամփը Զելենսկուն բռնապետ է անվանել ընտրություններից հրաժարվելու համար՝ կրկին մատնանշելով նրա չափազանց ցածր վարկանիշը։
