ԱՄՆ պետքարտուղար Մարկո Ռուբիոն ասել է, որ նախագահ Դոնալդ Թրամփի հետաքրքրությունը Գրենլանդիայի նկատմամբ պայմանավորված է համաշխարհային առևտրի և անվտանգության համար Արկտիկայի կարևորությամբ:
«Արկտիկան դառնում է կարևոր ծովագնացության և էներգառեսուրսների փոխադրման համար, որոնք կարտադրվեն նախագահ Թրամփի ղեկավարությամբ»,- ասել է Ռուբիոն լրագրող Մեգին Քելիին։ Սառույցի հալեցումը բացում է բեռնափոխադրումների առանցքային ուղիները, որոնք «պետք է պաշտպանված լինեն», - ասաց նա:
Ռուբիոն պնդում է, որ Չինաստանը, առանց Արկտիկա ուղիղ մուտքի, կարող է «փորձել Գրենլանդիան օգտագործել որպես իր շահերի ցատկահարթակ, ինչպես դա արել է այլ տարածաշրջաններում»: «Մենք չենք կարող թույլ տալ չինական ընկերություններին երկակի նշանակության օբյեկտներ կառուցել այնտեղ, որոնք հակամարտության դեպքում կարող են օգտագործվել ռազմական նպատակներով»,- ասել է պետքարտուղարը։
