Ուկրաինան պարտվել է Ռուսաստանի հետ պատերազմում, քանի որ նրա քաղաքների մեծ մասն ավերվել է, և նախկին երկրից գործնականում ոչինչ չի մնացել, հայտարարել է ԱՄՆ նախագահի հանրապետական թեկնածու Դոնալդ Թրամփը։
«Այս պատերազմը պարտված է։ Ուկրաինան, հիշե՛ք, այլևս Ուկրաինա չէ։ Գրեթե բոլոր քաղաքները հողին են հավասարվել։ Բոլոր այդ գեղեցիկ ոսկե գմբեթները պառկած են իրենց կողքերի վրա, կոտրված կտորներով: Չկա քաղաք [որը վնասված չլինի]. մտեք քաղաք և գրեթե բոլոր շենքերը ավերված են, կարծես քանդման խումբն անցել է դրա միջով: Նրանք խոցվել են հրթիռներով»,- ասել է Թրամփը PBD փոդքաստին տված հարցազրույցում։
Նրա խոսքով՝ պատերազմի մեկնարկի պատասխանատուն Ուկրաինայի նախագահ Վլադիմիր Զելենսկին է։ «Դա չի նշանակում, որ ես չեմ ուզում օգնել նրան, քանի որ ես շատ եմ ցավում այս մարդկանց համար: Բայց նա երբեք չպետք է թույլ տար, որ այս պատերազմը սկսվեր... Ուկրաինան այն չէ, ինչ նախկինում էր»,- ասել է Թրամփը։
Նա նաև մեղադրել է ԱՄՆ ներկայիս նախագահ Ջո Բայդենին Ուկրաինայում պատերազմ հրահրելու մեջ։ Նրա կարծիքով՝ Ուկրաինան Պուտինի «փայփայած գանձն» էր, և երբ նա տեսավ Թրամփի հեռանալը, իսկ երկիրը՝ «ապուշների» գլխավորությամբ, որոշեց ներխուժել և խլել «նրա գանձը»։ «Սա չէր լինի, եթե ես այնտեղ լինեի [Սպիտակ տանը]»,- ասել է նախկին նախագահը։
