Ռուսաստանի ուղղակի ներդրումների հիմնադրամի (RDIF) ղեկավար, արտասահմանյան երկրների հետ տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը Fox News-ին տված հարցազրույցում ասել է, որ ԱՄՆ նախագահ Դոնալդ Թրամփի վարչակազմը կանխել է Երրորդ համաշխարհային պատերազմը։
«Մենք լավ քննարկումներ ենք անցկացնում: Մեր դիվանագետները նույնպես քննարկում են հնարավոր արդյունքները: Բայց կասկած չկա, որ նախագահ Թրամփի թիմը ոչ միայն կանխել է Երրորդ համաշխարհային պատերազմը, այլև արդեն զգալի առաջընթաց է գրանցել Ուկրաինայում իրավիճակի կարգավորման հարցում», - ասել է Կիրիլովը:
Ավելի վաղ, Դմիտրիևը մի շարք լրատվամիջոցների հայտնել էր, որ ԱՄՆ նախագահ Դոնալդ Թրամփի վարչակազմի առանցքային անդամների հետ քննարկել է Մոսկվայի և Վաշինգտոնի միջև երկխոսության վերականգնման հարցը։
«Գիտեք, փաստորեն, վերջին երկու օրերի ընթացքում ես նախագահ Պուտինի անունից հանդիպումներ եմ անցկացրել այստեղ՝ Վաշինգտոնում Թրամփի վարչակազմի առանցքային անդամների հետ», - ասել է նա Վաշինգտոնում լրագրողների մի փոքր խմբին:
«Եվ հիմնական թեմաներից մեկը, իհարկե, ռուս-ամերիկյան հարաբերությունների վերականգնումն է, երկխոսության վերականգնումը, այն երկխոսությունը, որն ամբողջությամբ դադարեցվեց և ընդհատվեց Բայդենի վարչակազմի օրոք»,- հավելել է նա։
RDIF-ի ղեկավարը նաև ասել է, որ ԱՄՆ նախագահ Դոնալդ Թրամփի վարչակազմը լսում է Ռուսաստանի դիրքորոշումը և հասկանում է նրա մտահոգությունները։
«Բայց մենք պետք է նշենք, որ նախագահ Թրամփի վարչակազմը, վարչակազմի առանցքային մարդիկ, ուղղված են ռուս-ամերիկյան հարաբերությունների հարցերի ողջ շրջանակի լուծմանը: Իհարկե, նրանք հավատարիմ են աշխարհաքաղաքական խնդիրների լուծմանը, լսում են Ռուսաստանի դիրքորոշումը շատ հարցերի շուրջ»,- ասաց նա:
