ԱՄՆ-ի կողմից ներմուծվող նոր մաքսատուրքերը լրջորեն կհարվածեն երկրի գինու մանրածախ առևտրին։ Այս մասին հայտնում է Associated Press-ը՝ վկայակոչելով Գինու մանրածախ առևտրի ազգային ասոցիացիայի գործադիր տնօրեն Թոմ Ուորքը։
Նա նշել է, որ ԱՄՆ-ում չեն կարող արտադրվել գինեգործական շատ տեսակներ, ինչպիսիք են շամպայնը և պրոզեկոն, և այդ հատվածները գրեթե ամբողջությամբ ծածկվում են ներմուծմամբ։ Այս և այլ խմիչքների արժեքի բարձրացումը կսահմանափակի դրանց պահանջարկը և բացասաբար կանդրադառնա մանրածախ ցանցերի դիրքի վրա։ Ուորքն ասել է, որ սակագները ևս մեկ փորձություն կդառնան արդյունաբերության համար, որն արդեն տառապում է գնաճից և սպառման անկումից:
«Ներմուծվող գինիների մաքսատուրքերը ոչ մեկին չեն օգնի»,- հավելել է ասոցիացիայի տնօրենը։
Ապրիլի 2-ին ԱՄՆ նախագահ Դոնալդ Թրամփը հայտարարել է, որ իր երկիրը ներմուծվող ապրանքների համար սահմանելու է մաքսատուրքի նվազագույն դրույքաչափ՝ 10%։ Առանձին երկրների համար նա սահմանել է անհատական սակագներ՝ ԵՄ երկրների, այդ թվում՝ խոշոր գինի արտադրողների, Ֆրանսիայի, Իտալիայի և Իսպանիայի նկատմամբ կկիրառվի 20% դրույքաչափ։
