Ճապոնիայի էկոնոմիկայի, առևտրի և արդյունաբերության նախարար Յոջի Մուտոն Վաշինգտոնին կոչ է արել դադարեցնել մաքսատուրքերը ճապոնական ապրանքների վրա։
«ԱՄՆ-ի կողմից ձեռնարկված մաքսատուրքերի միջոցները չափազանց ցավալի են, և ես կրկին կոչ եմ անում դրանք չկիրառել Ճապոնիայի նկատմամբ»,- ասել է Մուտոն։
Նա հավելել է, որ ինքը խոսել է ԱՄՆ առևտրի նախարար Հովարդ Լուտնիկի հետ, նախքան ԱՄՆ նախագահ Դոնալդ Թրամփը հայտարարել է արտաքին առևտրային գործընկերների համար մաքսատուրքեր սահմանելու որոշման մասին։
Մուտոն նշել է, որ ինքը Լուտնիկին բացատրել է, թե ինչպես մաքսատուրքերը բացասաբար կանդրադառնան ամերիկյան տնտեսության վրա՝ խաթարելով ճապոնական ընկերությունների՝ ԱՄՆ-ում ներդրումներ կատարելու կարողությունը:
Իր հերթին, Ճապոնիայի կաբինետի գլխավոր քարտուղար Յոշիմասա Հայաշին մամուլի ասուլիսում մտահոգություն է հայտնել ԱՄՆ-ի կողմից ձեռնարկվող միջոցների առնչությամբ։
«Մենք լուրջ մտահոգություններ ունենք առևտրի համաշխարհային կազմակերպության (ԱՀԿ) համաձայնագրին և Ճապոնիա-ԱՄՆ առևտրային համաձայնագրին մաքսատուրքերի համապատասխանության հետ կապված»,- ասել է Հայաշին։
Ըստ Kyodo-ի, Հայաշին ասել է, որ Տոկիոն կոչ է արել Վաշինգտոնին չեղարկել Թրամփի վարչակազմի որոշումը՝ ճապոնական ապրանքների համար 24 տոկոս մաքսատուրք սահմանելու վերաբերյալ:
Արևմտյան ԶԼՄ-ները հայտնում են, որ Ճապոնիան չի կարողացել ապահովել ավտոմեքենաների ներկրման ԱՄՆ 25 տոկոս մաքսատուրքից ազատումը:
