Արարատի և Վայոց ձորի ընդհանուր իրավասության դատարանում մայիսի 6-ին տեղի կունենա Տիգրան Ավինյանի հայցով դատաքննության` հաջորդ դատական նիստը՝ ընդդեմ Բորիս Մուրազիի: Մարտի 24-ի նիստը հետաձգվել է:
Politik.am-ի պաշտպանությունը ստանձնած «Թի Էմ Ջի Ընդ Փարթնըրս» իրավախորհրդատվական կազմակերպության ղեկավար Տիգրան Ղազարյանի խոսքով՝ պատճառը այն է, որ հայցվոր կողմը չէր ծանոթացել իրավական դիրքորոշմանը.«Ըստ այդմ դատավորը հետաձգել է նիստը, որպեսզի մյուս կողմը կարողանա ծանոթանալ մեր մուտքագրած իրավական դիրքորոշմանը»:
Տիգրան Ղազարյանն ասում է, որ Տիգրան Ավինյանի գործով հայցադիմումը դատարանում է, վարույթը ընդունված է, պատասխանը ներկայացված է, իրավական դիրքորոշումը մուտքագրված է: Ըստ փաստաբանի՝ գործը պետք է քննվի ողջամիտ ժամկետներում:
Հիշեցնենք, որ Politik.am-ում տեղեկություն էր հրապարակվել այն մասին, որ, փոխվարչապետ Տիգրան Ավինյանը իր մի քանի ընկերների հետ աշխատանքային ժամի, կառավարությունում մարիխուանա է օգտագործել:
