Ստեփանակերտում բողոքի ակցիաներ են սկսկվել այն բանից հետո, երբ հայտնի դարձավ, որ Արցախի նախագահը ընտրությունների օրը այցելել է «Քաղաքացիական պայմանագիր» կուսակցության շտաբ։ Արցախցիները կարծում են, որ իրենց անունից հանդես եկող անձը չպետք է ակնհայտ աջակցություն ցուցաբերեր Հայաստանի կապիտուլյանտ իշխանություններին։ Ամուսիններ Դավիթ Ավանեսյանն ու Մերի Դավթյանը հացադուլ են իրականացնում և պահանջում են Արայիկ Հարությունյանի հրաժարականը։
