Իրանի պաշտոնյաները Կատարի եւ Օմանի միջնորդներին հստակ հասկացրել են, որ Թեհրանը մտադիր չէ հրադադարի շուրջ բանակցություններ վարել Իսրայելի հետ, քանի դեռ Իսրայելի հարվածները շարունակվում են, հաղորդել է Reuters-ը՝ հղում կատարելով իր աղբյուրին։«Իրանցիները կատարցի եւ օմանցի միջնորդներին տեղեկացրել են, որ պատրաստ կլինեն լուրջ բանակցությունների միայն այն բանից հետո, երբ Իրանը կպատասխանի Իսրայելի կանխարգելիչ հարվածներին»,- ասել է նա։ Գործակալության աղբյուրի փոխանցմամբ՝ Իրանը «հստակեցրել է, որ չի բանակցելու, քանի դեռ հարձակման տակ է»։ Անանուն պաշտոնյան նաեւ ճիշտ չի անվանել լրատվամիջոցների այն տեղեկությունները, թե իբր Իրանը դիմել է Օմանին եւ Կատարին՝ խնդրել Միացյալ Նահանգներին հասնել հրադադարի եւ վերսկսել միջուկային ծրագրի շուրջ բանակցությունները։
