Մոտ ժամանակներս կսկսվի ապստամբների Արագ արձագանքման ուժերից Խարտումի ազատագրման ռազմական գործողությունը, RIA Novosti-ին տված հարցազրույցում ասել է Սուդանի արտաքին գործերի նախարար Ալի Սադիկ Ալին։
«Մենք լավ նորությունների հույս ունենք, ազատագրումն արդեն մոտ է: Արբանյակ Օմդուրման քաղաքը գրեթե ազատ է ապստամբներից: Հուսով ենք, որ մենք կկարողանանք ազատագրել քաղաքի մնացած հատվածները նրանցից, այժմ նրանք վերահսկում են մի քանի թաղամաս: Զինվորականները կզբաղվեն դրանցով այս եռամսյակում»,- ասել է Ալին Անթալիայում դիվանագիտական ֆորումի շրջանակներում:
2023 թվականի ապրիլի 15-ից Սուդանում մարտեր են ընթանում Մուհամեդ Համդան Դագլոյի հրամանատարությամբ գործող Արագ արձագանքման ուժերի և կանոնավոր բանակի միջև։ Կողմերը հակասական հայտարարություններ են փոխանակում մարտական գործողություններում հաջողությունների և օբյեկտների նկատմամբ վերահսկողության, ԶԼՄ-ներում և սոցիալական ցանցերում լայնածավալ տեղեկատվական պատերազմ սկսելու վերաբերյալ։
