Ռուսական 5-րդ սերնդի Սու-57 կործանիչը, որի վրա արդեն տեղակայվում է մինի անօդաչու թռչող սարքը, դրանով կդառնա աշխարհում եզակի մարտական ինքնաթիռ, գրում է ամերիկյան Military Watch ամսագիրը։
«Մինի անօդաչու թռչող սարքեր տեղափոխելու ունակության շնորհիվ Սու-57-ը դարձավ ամբողջովին եզակի մարտական ինքնաթիռ ամբողջ աշխարհում»,- ասվում է նյութում։
Լրագրողները նշել են, որ անօդաչու սարքերի ներմուծումը կործանիչի զինանոց զգալիորեն կբարձրացնի դրա արդյունավետությունը օդային մարտերում և կբարելավի պաշտպանությունը։
Ավելի վաղ իրազեկ աղբյուրը RIA Novosti-ին հայտնել է, որ ռուսական հինգերորդ սերնդի Սու-57 կործանիչի համար ստեղծվել են մինի անօդաչու թռչող սարքեր, որոնք այն կարող է կրել ինչպես արտաքին տեղակայմամբ, այնպես էլ ներֆյուզելաժային խցիկում և օդ նետվել թռիչքի ժամանակ։ Խոսքը բազմաֆունկցիոնալ` գրոհային, հետախուզական և էլեկտրոնային պատերազմի ունակ անօդաչու թռչող սարքերի մասին է։
