Ռուսաստանը ներառված չէ այն երկրների ցանկում, որոնց նկատմամբ կիրառվել են պատասխան ներմուծման մաքսատուրքեր, սակայն կարող է նոր պատժամիջոցների ենթարկվել, ասել է Սպիտակ տան մամուլի քարտուղար Քերոլայն Լևիտը։
«Մամուլի քարտուղար Քերոլայն Լևիտը չորեքշաբթի Axios-ին ասել է, որ Ռուսաստանը ներառված չէ ցուցակում, քանի որ ԱՄՆ պատժամիջոցներն արդեն կանխում են որևէ իմաստալից առևտուր»,- գրում է պորտալը։
Նա նաև նշել է, որ Ռուսաստանը դեռ կարող է ենթարկվել «լրացուցիչ կոշտ պատժամիջոցների»:
Լևիտը նշել է, որ Կուբան, Բելառուսը և Հյուսիսային Կորեան նույնպես ներառված չեն ներմուծման մաքսատուրքերի ենթակա երկրների ցանկում, «քանի որ նրանց նկատմամբ գործող մաքսատուրքերը և պատժամիջոցներն արդեն շատ բարձր են»։
Չորեքշաբթի նախագահ Դոնալդ Թրամփը հայտարարել է ԱՄՆ արտաքին առևտրային գործընկերների վրա պատասխան մաքսատուրքեր սահմանելու իր որոշման մասին։
