Սպասվում է, որ ԱՄՆ նախագահ Դոնալդ Թրամփը հրամանագիր կստորագրի, որն ուղղված է կրթության նախարարության վերացման իր վաղեմի նպատակին, գրել է The Wall Street Journal-ը։ Կարգադրությունը կարող է լինել հինգշաբթի, հաղորդել է թերթը՝ հղում կատարելով գործին ծանոթ մարդկանց: Թրամփը բազմիցս կոչ է արել վերացնել գերատեսչությունը՝ այն անվանելով «մեծ խարդախություն»: Նա առաջարկել է փակել այն իր առաջին ժամկետում, սակայն Կոնգրեսը չի արձագանքել: Նրա հանրապետական գործընկերները երկար ժամանակ փորձում էին նվազեցնել դեպարտամենտի ֆինանսավորումն ու ազդեցությունը, իսկ կրթության նախարար Լինդա Մաքմահոնը, որը երկուշաբթի հաստատվեց Սենատի կողմից, պաշտպանել է գործակալությունը վերացնելու Թրամփի ծրագիրը: Գերատեսչության պաշտպաններն ասում են, որ կարեւոր է պահպանել հանրային կրթության բարձր չափանիշները եւ հանրապետականներին մեղադրել շահույթ հետապնդող կրթությունը խթանելու փորձերի մեջ: Անհապաղ փակումը կարող է հանգեցնել տասնյակ միլիարդավոր դոլարների օգնության՝ դպրոցների եւ քոլեջների ուսանողների ուսման վարձի համար: Անցած ամիս Թրամփն ասել էր, որ կցանկանար տեսնել, որ դեպարտամենտն անհապաղ փակվել է, բայց խոստովանել է, որ իրեն անհրաժեշտ կլինի Կոնգրեսի, որը որոշում է դրա ֆինանսավորումը, եւ ուսուցիչների արհմիությունների աջակցությունը: ԱՄՆ կրթության նախարարությունը վերահսկում է մոտ 100 000 պետական եւ 34 000 մասնավոր դպրոցներ Միացյալ Նահանգներում, թեեւ հանրային դպրոցների ֆինանսավորման ավելի քան 85 տոկոսը ստացվում է նահանգային եւ տեղական կառավարություններից:Փոխարենը նախարարությունը դաշնային դրամաշնորհներ է տրամադրում կարիքավոր դպրոցներին եւ ծրագրերին, ներառյալ գումար հատուկ կարիքավոր երեխաների ուսուցիչներին վճարելու, արվեստի ծրագրերի ֆինանսավորման եւ ծերացող ենթակառուցվածքների փոխարինման համար: Այն նաեւ վերահսկում է 1,6 տրլն դոլարի ուսանողական վարկերը տասնյակ միլիոնավոր ամերիկացիների համար, ովքեր չեն կարողանում ուղղակիորեն վճարել քոլեջի ուսման վարձը: Թրամփի դեմոկրատ նախորդ Ջո Բայդենի օրոք հանրապետականները հատկապես քննադատում էին նախարարությունը ուսանողական վարկերի ներման եւ բազմազանության, հավասարության եւ ներառականության ծրագրերի հետ կապված քաղաքականության վերաբերյալ:
