Գազայում զոհվել է պաղեստինյան արմատական ՀԱՄԱՍ շարժման քաղբյուրոյին միացած առաջին կինը՝ Ջամիլա ալ-Շանթին։ Այս մասին հայտնում է լոնդոնյան Arabi21 տեղեկատվական պորտալը՝ հղում անելով Գազայի աղբյուրներին։
Նրանց խոսքով՝ ալ-Շանթին սպանվել է անկլավի վրա իսրայելական հարվածների արդյունքում։
Ալ-Շանթին իսլամիստական շարժման հիմնադիրներից մեկի՝ Աբդել Ազիզ Ռանտիսիի այրին է։ 2004 թվականին ամուսնու մահից հետո նա շարունակել է քաղաքական գործունեությունը։
Մասնավորապես, ալ-Շանթին գլխավորել է Գազայի կանանց հարցերով նախարարությունը, իսկ 2021 թվականին դարձել է ՀԱՄԱՍ-ի քաղբյուրոյի անդամ։
