Այսօր մամուլում տեղեկություն տարածվեց, որ Սոցիալական ապահովության պետական ծառայությունում իրականացվող ստուգումների արդյունքում ապօրինությունների փաստեր են բացահայտվում: Մասնավորապես՝ հարյուրավոր և հազարավոր ընտանիքներ կեղծված փաստաթղթերով հաշվառված են եղել որպես սոցիալապես անապահով և ստացել են նպաստ:
«Իշխանությունները չգիտեն ինչպես վարվել կեղծարարների հետ, եթե քրեական գործեր հարուցվեն ապա պետք է լուծարեն ծառայությունը, իսկ աշխատակիցները կալանավայրեր ուղարկվեն»- նշված էր հրապարակման մեջ:
Politik.am-ը տեղեկության հավաստիությունը պարզելու համար խոսեց Սոցապ ծառայության Հասարակայնության հետ կապերի բաժնի պետի հետ, ով հստակեցրեց, որ այն իրականությանը չի համապատասխանում.
«Ծառայությունը այս մասին նաև հաղորդագրություն կտարածի: Նշված ընտանեկան նպաստ նշանակելը կամ վճարելը մեր գործառույթների մեջ չի մտնում»:
