Երեքշաբթի օրվանից Սինգապուրի իշխանությունները զգալիորեն պարզեցրել են արտերկրից մուտքի կանոնները՝ կրճատելով կարանտինը մինչեւ յոթ օր, ինչպես նաեւ մասամբ չեղարկել ՊՇՌ թեստերի անցկացումը մի շարք կատեգորիաների ճանապարհորդների համար: Նոր կանոնները հրապարակել է COVID-19-ի տարածման դեմ պայքարի միջգերատեսչական խումբը, փոխանցում է ՏԱՍՍ-ը։
«Սինգապուրում վարակման մակարդակը ներկայումս համեմատելի է այլ ուղղությունների մեծ մասի հետ, ուստի ներմուծվող դեպքերը դժվար թե ազդեն երկրի իրավիճակի վրա», - ասել է առողջապահության նախարար Օն Ե Կունը: Նրա խոսքով՝ պատվաստումն ապահովում է հուսալի պաշտպանություն հիվանդության ծանր ընթացքից, եւ երկիրն աշխատում է բոլոր ճանապարհորդների համար կարանտինն ամբողջությամբ չեղարկելու ուղղությամբ։
