Բոլորին էր հայտնի, որ Սերժ Սարգսյանը Գյումրու ընտրություններին մասնակցում է երկու թեկնածուով՝ Ռուբեն Մխիթարյան և Մարտուն Գրիգորյան։ Ընտրություններից հետո Ռուբեն Մխիթարյանը հայտարարեց, թե սատարելու է ամենաշատ ձայները ստացած Վարդան Ղուկասյանին, իսկ ահա Մարտուն Գրիգորյանով Սերժ Սարգսյանը փորձում է փչացնել ընդդիմության կամ ավելի շուտ ժողովրդի տոնը։
Քարոզչական թեզերը բացելով հասկանում ենք, որ Սերժ Սարգսյանի պահանջը մեկն է՝ եթե ուզում եք ձեր տոնը չփչացնեմ, ապա պետք է թթու բառ չասեք ինձ, չփորձեք անգամ հիշել, որ ես եմ իշխանություն տվել Նիկոլ Փաշինյանին, իսկ եթե չկատարեք պահանջս ուրեմն իշխանության կման Նիկոլ Փաշինյանը/ՔՊ։ Սա շանտաժ է դասական իմաստով։ Պետք է նկատել, որ արդեն շատ քչերի մոտ աշխատող շանտաժ է։ Ավելին հիմա այնպիսի նոր ու մեծ ալիքով են մարդիկ մեղադրում Սերժ Սարգսյանին, որ շատ դժվար կլինի իրեն հետագայում հետ պտտել ամեն բան։
Ժողովուրդը հիմա ավելի լավ է հասկանում, որ չի կարող ազատվել Նիկոլ Փաշինյանից Սերժ Սարգսյանի հետ, ավելին մարդիկ հասկացել են, որ Նիկոլ Փաշինյանին ու Սերժ Սարգսյանիյն միասին պետք է չեզոքացնել, որ հնարավոր լինի ազատվել նիկոլիզմից։
Անկախ արդյունքներից ու Սերժ Սարգսյանի թեկնածու Մարտուն Գրիգորյանի ցանկացած որոշման դեպքում հանրությունը մեծ օգուտ ստացավ՝ մի մակարդակով էլ բարձրացավ համոզմունքը, որ Սերժ Սարգսյանն է պահում Նիկոլ Փաշինյանին։ Իսկ երբ կա համոզմունք, ապա մարդիկ կգտնեն նաև լուծում։
