Սերբիայի նախագահ Ալեքսանդր Վուչիչը արձակել է երկրի Ազգային ժողովը (խորհրդարանը) եւ ապրիլի 3-ին արտահերթ ընտրություններ է նշանակել։ Այս մասին հայտնում է N1 հեռուստաալիքը։
«Մեզ սպասվում են Ազգային ժողովի եւ տեղական ինքնակառավարման մի քանի մարմինների ընտրություններ։ Կոչ եմ անում քաղաքացիներին մասնակցել այս ընտրություններին, որպեսզի ցույց տան երկրի ժողովրդավարական կարողությունները եւ ցույց տան, թե որքան կարեւոր է դա»,- ընդգծել է Վուչիչը։ Նա նաեւ երկրի քաղաքացիներին կոչ է արել քաղաքակիրթ ձեւով արտահայտել իրենց կարծիքը եւ հարգել միմյանց։
Հունվարին երկրում սահմանադրության փոփոխության վերաբերյալ հանրաքվե է անցկացվել։ Դա տեղի է ունեցել արդարադատությունը բարեփոխելու Բելգրադին ուղղված Եվրամիության պահանջների կապակցությամբ։ Փոփոխությունների հաստատումից հետո Բրյուսելը խոստացել է արագացնել եվրաինտեգրման գործընթացը։
