Լիբանանի վարչապետ Նավաֆ Սալամը հայտարարել է, որ իր կառավարությունն ամեն ջանք գործադրելու է՝ Իսրայելի զինված ուժերին հարավային Լիբանանից դուրս մղելու համար։
Tasnim news-ի փոխանցմամբ կիրակի օրը Բեյրութում տեղի ունեցած հանդիպման ընթացքում, որտեղ մասնակցել է Իրանի խորհրդարանի խոսնակ Մոհամմադ Բաղեր Ղալիբաֆը, Սալամը նշել է, որ Լիբանանը կօգտագործի բոլոր դիվանագիտական և քաղաքական միջոցները՝ Իսրայելին ստիպելու ամբողջությամբ դուրս բերել իր ուժերը երկրի հարավային տարածքներից։
Լիբանանի վարչապետը նաև վերահաստատել է իր կառավարության պատրաստակամությունը՝ վերակառուցելու այն, ինչ ավերել է Իսրայելի ագրեսիան։
Սալամը շեշտել է, որ Պաղեստինի հարցի միակ լուծումը պաղեստինյան ժողովրդի ինքնորոշման իրավունքի հարգումն է և նրանց անկախ պետության ստեղծումը։
Ղալիբաֆն ու Իրանի արտաքին գործերի նախարար Աբբաս Արաղչին կիրակի օրը ժամանել էին Բեյրութ՝ մասնակցելու «Հեզբոլլահ»-ի հանգուցյալ առաջնորդներ Սեյեդ Հասան Նասրալլահի և Սեյեդ Հաշեմ Սաֆիեդդինի հուղարկավորության արարողությանը։
