Դաղստանի ղեկավար Սերգեյ Մելիքովը հայտնել է, որ Ռուսաստանի հերոս Ռուստամ Մուրադովը նշանակվել է Արեւելյան ռազմական օկրուգի հրամանատար։
«Արեւելյան ռազմական օկրուգի հրամանատար է նշանակվել մեր հայրենակից, Ռուսաստանի հերոս Ռուստամ Ուսմանովիչ Մուրադովը»,-գրել է Մելիքովը Telegram-ի իր ալիքում՝ հավելելով, որ Արեւելյան ռազմական օկրուգը մարտունակությամբ Ռուսաստանի ամենահզոր ռազմական շրջաններից է։
Մելիքովի խոսքով՝ Մուրադովի նշանակումը ճիշտ որոշում է։ Նա նաեւ նշել է, որ Մուրադովը միշտ եղել է խիզախ մարտիկ, որն առաջինն է հարձակվում, ճիշտ որոշումներ կայացնող ստրատեգ, ինչպես նաեւ առաջնորդ։ Մելիքովը վստահություն է հայտնել, որ բոլոր այս որակները, ինչպես նաեւ ռազմական կրթությունն ու մարտական փորձը, որոնք Մուրադովը ստացել է թեժ կետերում՝ Սիրիայում եւ Չեչնիայում, «կօգնեն փայլուն կերպով հաղթահարել մարտական առաջադրանքները»։
