Կարելիայի դաշնային հակամենաշնորհային ծառայության ղեկավար Արթուր Պրյախինին մահացած են գտել Պետրոզավոդսկում։ Դիակը հայտնաբերվել է Վարկաուսի ամբարտակի մոտ գտնվող վարչության շենքի մոտ։ Քննչական կոմիտեն հայտնել է, որ 56-ամյա Պրյախինը փետրվարի 4-ին ընկել է հինգերորդ հարկի պատուհանից։ Արդյո՞ք սա պաշտոնյայի գրասենյակն է եղել՝ այդ մասին չի նշվում։ ՏԱՍՍ աղբյուրը իրավապահ մարմիններում տեղեկացել է, որ Պրյախինը ինքնասպան է եղել, իսկ «Իզվեստիան» հայտնել է, որ նա, իբր, ինքնասպանություն կատարելու մասին գրություն է թողել, որում ներողություն է խնդրել կնոջից եւ խնդրել ոչ մեկին չմեղադրել։ Պրյախինը մոտ 15 տարի ծառայել է ՆԳՆ-ում տնտեսական հանցագործությունների դեմ պայքարի ստորաբաժանումներում։ 2014թ. նշանակվել է դաշնային հակամենաշնորհային ծառայության Կարելիայի բաժնի ղեկավար։ «Կոմերսանտ»-ը նշել է, որ պաշտոնյայի օրոք գերատեսչությունը մասնակցել է կարտելային դավադրությունների վերաբերյալ մի քանի աղմկահարույց հետաքննությունների: Գործերից մեկը վերաբերում էր Маркет Фарм», ПИК, «Росмедкомплект» եւ «Эталон-Трейдинг» ընկերություններին։ Դրանք կասկածվում էին Կարելիայի առողջապահության նախարարության համար էլեկտրոնային աճուրդներում 47 մլն ռուբլու բժշկական սարքավորումների մատակարարման գործարքի մեջ։ Մեկ այլ դեպք վերաբերում է Սանկտ Պետերբուրգի երեք դեղագործական ընկերություններին (74,6 մլն ռուբլի արժողությամբ դեղերի գնում): Իսկ 2016-ին ծառայությունը հայտնաբերել է կարտելային դավադրություն «Сямозеро» հյուրանոցի մասնակցությամբ մանկական հանգստի կազմակերպման աճուրդի ժամանակ, երբ մահացել է 14 դպրոցական։Պրյախինից հետո փետրվարի 4-ին Քննչական կոմիտեի գնդապետ, քրեագիտական վարչության պետի տեղակալ Ալեքսեյ Զուբկովն է ընկել Մոսկվայի Շինարարների փողոցում գտնվող Քննչական կոմիտեի դատաբժշկական կենտրոնի շենքի պատուհանից։ Նա միջին ծանրության վնասվածքներ է ստացել եւ տեղափոխվել է Պիրոգովի կենտրոն։ Ըստ ՆԳ վարչության աղբյուրների՝ Զուբկովն ընկնելուց հետո գիտակցությունը կորցրած չի եղել։ Նա պատմել է որ մտել է չորրորդ հարկում գտնվող ծառայողական զուգարան, որտեղ ոչ ոք չկար, եւ այլեւս չի հիշում, թե ինչ է եղել հետո։ Քննչական կոմիտեն փետրվարի 5-ին պետք է կոլեգիայի ամփոփիչ նիստ անցկացներ։ Զուբկովի գործընկերները ենթադրել են, որ դրա հետ կապված՝ նա կարող էր սթրեսի ենթարկվել, քանի որ դեպքի վայրում էին նրա վերադասները՝ Գլխավոր վարչության տնօրենի առաջին տեղակալ Ալեքսանդր Սոբոլեւը եւ Պետական կառավարման վարչության գեներալ Անատոլի Սազոնովը:
