Ռուսաստանի պետական եվրոպարտատոմսերի պարտքը ոչ ռեզիդենտների նկատմամբ 2024 թվականի չորրորդ եռամսյակում նվազել է 5.302 միլիարդ դոլարով կամ 36.8%-ով՝ 14.399 միլիարդ դոլարից հասնելով 9.097 միլիարդ դոլարի, ըստ Ռուսաստանի Կենտրոնական բանկի կայքում հրապարակված տվյալների հայտնում է Ինտերֆաքսը։
Միևնույն ժամանակ, ոչ ռեզիդենտների նկատմամբ պարտքի մասնաբաժինը Ռուսաստանի եվրոպարտատոմսերի ընդհանուր պարտավորությունների մեջ եռամսյակի ընթացքում նվազել է 44.0%-ից՝ հասնելով 28.1%-ի, նշում են ԿԲ տվյալները։
2024 թվականին պարտքը ոչ ռեզիդենտների նկատմամբ նվազել է 5.711 միլիարդ դոլարով կամ 38.6%-ով՝ 14.808 միլիարդ դոլարից։ 2023 թվականին այն նվազել էր 1.499 միլիարդ դոլարով կամ 9.2%-ով՝ 16.307 միլիարդ դոլարից, մինչդեռ 2022-ին նվազումը կազմել էր 3.652 միլիարդ դոլար կամ 18.3%՝ 19.959 միլիարդ դոլարից։
Այսպիսով, վերջին երեք տարիների ընթացքում պարտքը նվազել է 10.862 միլիարդ դոլարով կամ 54.4%-ով։
