Ռուսական զենքը ապացուցել է իր արդյունավետությունը իրական մարտերում, և Մոսկվան առաջարկում է ՀԱՊԿ-ի իր դաշնակիցներին նման սարքավորումներով զինելու լայնածավալ ծրագիր, հայտարարել է Ռուսաստանի նախագահ Վլադիմիր Պուտինը ՀԱՊԿ գագաթնաժողովին:
Նա նշել է, որ ՀԱՊԿ հաջորդ գագաթնաժողովը տեղի կունենա 2026 թվականի նոյեմբերի 11-ին Մոսկվայում:
«Ռուսաստանը կշարունակի սերտորեն համագործակցել իր դաշնակիցների հետ ՀԱՊԿ-ի ռազմական ներուժի ամրապնդման հետ կապված բոլոր հարցերում:Մենք մեր ջանքերը կկենտրոնացնենք ազգային զորքերի մարտական պատրաստվածության բարձրացման և կոլեկտիվ ուժերի հրամանատարության ու վերահսկողության բարելավման վրա», - նշել է Պուտինը։
Նա առաջարկել է ՀԱՊԿ-ն ռուսական ամենաարդյունավետ զենքով և տեխնիկայով զինելու լայնածավալ ծրագիր, որը ապացուցել է իր արդյունավետությունն իրական ռազմական գործողություններում:
Նա ընդգծել է, որ Ռուսաստանն իր նախագահության ընթացքում կանի ամեն ինչ՝ ՀԱՊԿ-ի շրջանակներում համագործակցության հիմնական ոլորտներում շարունակականությունը պահպանելու համար։
«Մոսկվան մտադիր է զարգացնել ՀԱՊԿ երկրների միջև համագործակցությունը՝ հիմնված իսկական դաշինքի, բարեկամության և բարիդրացիության, միմյանց շահերը հարգելու և հաշվի առնելու, փոխադարձ օգնության և աջակցության սկզբունքների վրա», - ասել է ՌԴ նախագահը։
Հիշեցնենք, որ այսօր Բիշքեկում տեղի է ունենում ՀԱՊԿ առաջնորդների գագաթբաժողովը, որին մասնակցում են՝ ՌԴ նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ջապարովը, Տաջիկստանի նախագահ Էմոմալի Ռահմոնը և ՀԱՊԿ գլխավոր քարտուղար Իմանգալի Թասմագամբետովը:
