Հայաստանը Ռուսաստանի ամենակարևոր ռազմավարական գործընկերն է, ասել է Ռուսաստանի Դաշնության տնտեսական զարգացման նախարար Մաքսիմ Ռեշետնիկովը:
«Առաջիկա տարիներին ռուսաստանյան ընկերությունները նախատեսում են ավելի քան 1 միլիարդ դոլարի ներդրում կատարել Հայաստանի տնտեսությունում, և կարևոր է նշել, որ նրանց զգալի մասը Հայաստանի տնտեսության ամենամեծ հարկատուներն են»,-ասել է Ռեշետնիկովը Հայ-ռուսական միջտարածաշրջանային ութերորդ համաժողովի ժամանակ։
Նրա խոսքով, ռուսական բիզնեսը կարող է առաջարկել ամենաարդյունավետ լուծումները տրանսպորտի, էներգետիկայի և սոցիալական ենթակառուցվածքների ոլորտում:
