Ռուսաստանը և Ադրբեջանը շարունակում են աշխատել Բաքվում գտնվող Ռուսական տան կարգավիճակի լուծման ուղղությամբ։ «Ռոսսոտրուդնիչեստվոն» ապավինում է դրական արդյունքի վրա։ Դրա մասին ТАСС-ին հայտնել է գործակալության ղեկավար Եվգենի Պրիմակովը։
«Դեսպանատան և [Ադրբեջանի] արտգործնախարարության միջև շփումները շարունակվում են։ Դա մասնագիտական իրավաբանների և արտաքին քաղաքականությամբ զբաղվող անձանց գործն է։ Դա մեր փորձագիտության շրջանակներից դուրս է։ Իրավական կարգավիճակի հարցը դեռևս լուծվում է։ Մենք դրականորեն ենք տրամադրված։ Կարծում ենք՝ այս ամենը պետք է այնպես լուծվի, որ բոլորը գոհ մնան», -նշել է նա՝ պատասխանելով Բաքվում Ռուսական տան շուրջ ստեղծված իրավիճակի զարգացման վերաբերյալ հարցին։
Փետրվարին «Ռոսսոտրուդնիչեստվո»-ի ղեկավարությունը հայտարարեց, որ ստիպված է դադարեցնել Բաքվում Ռուսական տան գործունեությունը Ադրբեջանի ԱԳՆ-ի պահանջի կապակցությամբ և միջոցներ ձեռնարկել քաղաքի կենտրոնում գտնվող տարածքը ազատելու համար։ Այդ պահանջի պաշտոնական պատճառը Բաքվում Ռուսական տան՝ որպես իրավաբանական անձի գրանցման բացակայությունն էր, ինչը պահանջվում է տեղական օրենսդրությամբ։
