Ռուսաստանի վարչապետ Միխայիլ Միշուստինը երկօրյա այցով ժամանել է Չինաստան, հաղորդում է ՌԻԱ Նովոստի-ն։
Վարչապետի ինքնաթիռը վայրէջք է կատարել Հանգչժոու օդանավակայանում։ Ռուսաստանի վարչապետին դիմավորել են Չժեցզյան նահանգի նահանգապետ Լյու Ցզեին, Ռուսաստանում Չինաստանի դեսպան Չժան Հանհուեյը և Չինաստանում Ռուսաստանի դեսպան Իգոր Մորգուլովը։
Այցի առաջին օրը կնվիրվի Ռուսաստանի և Չինաստանի կառավարությունների ղեկավարների 30-րդ կանոնավոր հանդիպմանը, որի ընթացքում Միշուստինը Հանչժոուում կհանդիպի Չինաստանի Ժողովրդական Հանրապետության Պետական խորհրդի վարչապետ Լի Ցզյանի հետ։
Այցի երկրորդ օրը, ըստ ծրագրի, կանցկացվի Պեկինում, որտեղ Միշուստինը կհանդիպի Չինաստանի նախագահ Սի Ծինփինի հետ։
Առաջիկա հանդիպումների ընթացքում կքննարկվեն Ռուսաստան-Չինաստան հարաբերությունների ամրապնդման, համապարփակ գործընկերության և ռազմավարական փոխգործակցության հետ կապված հարցեր:
Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Կրեմլը մեծ նշանակություն է տալիս այս այցին։
