Ռուսաստանի եւ ԱՄՆ ներկայացուցիչները քննարկում են մի շարք տնտեսական նախագծերում համագործակցության վերականգնման հարցը, լրագրողներին ասել է Ուղիղ ներդրումների հիմնադրամի ղեկավար Կիրիլ Դմիտրիեւը, որը մասնակցում է Էր Ռիադում ռուս-ամերիկյան բանակցություններին, փոխանցել է ՏԱՍՍ-ը։ «Մենք հանդիպել ենք ամերիկյան պատվիրակության անդամների հետ եւ քննարկում ենք տնտեսական ոլորտում որոշ նախագծերի վերամիավորումը։ Որովհետեւ շատ կարեւոր է, որ ամերիկյան ընկերություններն այսօր առաջին անգամ լսեցին այս ցուցանիշը. նրանք կորցրել են 300 մլրդ եվրո՝ ռուսական շուկայից դուրս գալու պատճառով»,- ասել է Դմիտրիեւը։ Ուղիղ ներդրումների հիմնադրամի ղեկավարն ընդգծել է, որ երկխոսությունը վերսկսելու համար շատ կարեւոր է համատեղ տնտեսական նախագծերի քննարկումը։ «Հետեւաբար, մենք, անշուշտ, կշարժվենք քաղաքական ճանապարհով, որը գլխավորում են, համապատասխանաբար, պարոն Լավրովը եւ պարոն Ուշակովը, եւ այն տնտեսական ճանապարհով, որն ինձ վստահված է ղեկավարել»,- եզրափակել է Ուղիղ ներդրումների հիմնադրամի ղեկավարը:
