Ազգային ժողովում իշխող խմբակցություն «Քաղաքացիական պայմանագիրը» որոշում է կայացրել Ազգային ժողովի փոխխոսնակ Իշխան Սաղաթելյանին եւ Տնտեսական հարցերի մշտական հանձնաժողովի նախագահ Վահե Հակոբյանին պաշտոնազրկելու գործընթաց սկսել: Այս մասին NEWS.am-ի հետ զրույցում ասաց «Քաղաքացիական պայմանագիր» խմբակցության պատգամավոր Հրաչյա Հակոբյանը:
«Այս պահին քննարկվել է միայն Իշխան Սաղաթելյանի եւ Վահե Հակոբյանի հարցը, առաջիկայում, եթե քննարկվի Տարածաշրջանային եւ եվրասիական ինտեգրման հարցերի մշտական հանձնաժողով նախագահ Արմեն Գեւորգյանին պաշտոնազրկելու հարցը, եւս հայտարարություն կլինի»,- նշեց Հակոբյանը:
Հրաչյա Հակոբյանի խոսքով՝ թույլատրելի քանակից շատ բացակայություններ ունեցող ընդդիմադիր պատգամավորներներին մանդատներից զրկելու հարցը եւս քննարկվում է:
