Ռոբերտ Քենեդի կրտսերը, ով վերջերս առաջադրվել է ԱՄՆ նորընտիր նախագահ Դոնալդ Թրամփի կողմից Առողջապահության և մարդկային ծառայությունների նախարարի պաշտոնում, ասել է, որ աշխատելու է այս գերատեսչությունում «վերացնելու կոռուպցիան»։
«Մենք եզակի հնարավորություն ունենք վերջ տալու քրոնիկ հիվանդությունների համաճարակին: Միասին մենք արմատախիլ կանենք կոռուպցիան»,- գրել է նա X-ում։
Քենեդի կրտսերը նաև նշել է, որ ինքը «կազատի գերատեսչությունները կորպորացիաների խեղդող ամպից»։
Ռոբերտ Քենեդի կրտսերը, ով նախկինում եղել է Դեմոկրատական կուսակցության անդամ, որպես անկախ թեկնածու առաջադրել է իր թեկնածությունը վերջին ընտրություններում։ Սակայն հետագայում նա որոշեց աջակցել Թրամփին՝ վկայակոչելով նմանատիպ դիրքորոշումները մի շարք առանցքային հարցերի, այդ թվում՝ խոսքի ազատության և տնտեսական անկախության վերաբերյալ: Քենեդին նշել է, որ իր որոշումը պայմանավորված է փոփոխությունների անհրաժեշտության և ամերիկյան արժեքների ամրապնդման իր վստահությամբ։ Բացի այդ, նա աջակցություն է հայտնել Վաշինգտոնում որոշումների կայացման վրա էլիտաների ազդեցության նվազեցմանն ուղղված քաղաքականությանը։
