Ֆրանսիայում քաղաքական տուրբուլենտությունը կարող է հանգեցնել ոչ միայն վարչապետ Ֆրանսուա Բայրուի կառավարության անկմանը, այլև, ի վերջո, նախագահ Էմանուել Մակրոնի հրաժարականին և արտահերթ նախագահական ընտրություններին: Նման կարծիք է հայտնել ամերիկյան The New York Times թերթը, փոխանցում է ՏԱՍՍ-ը:
«Քաղաքականապես կաթվածահար Ֆրանսիայում վերջին 20 ամիսների ընթացքում չորս վարչապետ է փոխվել և, կարծես, հինգերորդն արդեն հրաժարականի եզրին է։
Անկայունության մակարդակը վկայում է ինստիտուցիոնալ ճգնաժամի մասին, որն աննախադեպ է 1958 թվականին հինգերորդ հանրապետության հիմնադրումից ի վեր»,-կարծում է պարբերականը:
Թերթը կանխատեսում է, որ Բայրուի կառավարությունը հրաժարական կտա: Ծայրահեղ ձախերն ու ծայրահեղ աջերը չեն թաքցնում այն փաստը, որ ձգտում են նրա (Մակրոնի - ՏԱՍՍ) անհապաղ հրաժարականին՝ արտահերթ նախագահական ընտրությունների համար»,-կարծում է թերթը։
