ԱԺ նախկի պատգամավոր, փաստաբան Արամ Վարդևանյանն ադրադարձել է ՀՀԿ փոխնախագահ Արմեն Աշոտյանի կալանավորմանն՝ ընդգծելով, որ Աշոտյանի կալանավորման հիմնավորման պահանջները չեն պահպանվել։
«Օրենքի առջև բոլորի հավասարությունը հենց Սահմանադրի կողմից բացառություններ է նախատեսել: Քաղաքական և հանրային գործչի նկատմամբ քրեադատավարական ամենածայրահեղ միջոցի՝ կալանավորման կիրառումն առավել բարձր ու ակնհայտ հիմնավորում պետք է պարունակի, քան այլ անձանց դեպքերում: Նշվածը նաև Եվրոպական դատարանի նախադեպային իրավունքից է բխում:
Ակնհայտ է, որ այս պահանջներն Արմեն Աշոտյանի դեպքում չեն պահպանվել, քրեադատավարական նման մեծ ծավալի խափանման միջոցների ընտրության պայմաններում հենց կալանավորման որոշումն ընդգծում է, որ հարցը քրեադատավարական ու իրավական կարգավորումներից դուրս է գնահատվել: Կարելի է հաստատված համարել, որ նոր քրեական դատավարության օրենսգիրքը ևս չի լուծել կալանավորման գերակայության խնդիրը»,- գրել է Վարդևանյանը։
