Պրիշտինան խնդրել է Ադրբեջանին ճանաչել Կոսովոյի անկախությունը: Սերբիայի նախագահ Ալեքսանդր Վուչիչը նման սենսացիոն հայտարարություն է արել երկրի հարավում գտնվող Բրյուս քաղաք կատարած այցի ժամանակ, հայտնում է haqqin.az-ը:
«Ես Պրիշտինայում տեսա պաշտպանության նախարարի վերջին հարցումները, որը խնդրում էր Ադրբեջանին, Վրաստանին, Ուկրաինային եւ որոշ այլ երկրների ճանաչել Կոսովոյի անկախությունը: Լավ է, որ մեզ հայտնեցին այս մասին, շնորհակալություն նրանց»,- RTS հեռուստաալիքը մեջբերել է Վուչիչի խոսքերը: Սերբիայի նախագահը նշել է, որ Պրիշտինայի այս պահվածքը Վաշինգտոնի համաձայնագրի խախտում է, բայց, միեւնույն ժամանակ, այն «կապում է Բելգրադի ձեռքերը», որն այժմ «հասկանում է, թե որ ուղղությամբ պետք է շարժվել»:
Հիշեցնենք, որ Վաշինգտոնի համաձայնագիրը պարունակում է մի դրույթ` ըստ որի մինչեւ 2021 թվականի սեպտեմբերի 1-ը Պրիշտինան նոր պետություններից չի խնդրի ճանաչել Կոսովոյի անկախությունը, եւ Բելգրադը լոբբինգ չի անի անջատողական կառույցի ճանաչման չեղարկման համար: Պետք է նշել, որ Ադրբեջանը անվերապահորեն ճանաչում է Սերբիայի տարածքային ամբողջականությունը, որի հետ պաշտոնական Բաքուն կապված է քաղաքական եւ տնտեսական գործընկերության կապերով»,- գրում է թերթը:
