ԱՄՆ Պետդեպարտամենտը պաշտոնապես մեկնաբանել է Դոնալդ Թրամփի նոր վարչակազմի դիրքորոշումը Վրաստանի վերաբերյալ՝ նշելով, որ նրանք Վրաստանի իշխանություններից քայլեր են ակնկալում երկկողմ հարաբերությունները բարելավելու համար։
ԱՄՆ Պետդեպարտամենտը հայտարարել է, որ կշարունակի գնահատել իր մոտեցումը Վրաստանի նկատմամբ «ամերիկյան շահերն առաջ տանելու համար»:
«Միացյալ Նահանգները հստակ ցույց է տվել, թե ինչ քայլեր կարող է ձեռնարկել Վրաստանի կառավարությունը՝ ցույց տալու համար, որ լրջորեն է վերաբերվում Միացյալ Նահանգների հետ հարաբերությունների բարելավմանը», - ասվում է մեկնաբանության մեջ:
Պատասխանելով «Վրացական երազանքի» հակաժողովրդավարական գործողությունների մասին հարցին՝ Պետդեպարտամենտը հիշեցրել է Մյունխենում ԱՄՆ փոխնախագահ Ջեյ դի Վենսի ելույթը, որտեղ նա հայտարարել է, որ «ժողովրդավարական մանդատը հնարավոր չէ ձեռք բերել գրաքննությամբ կամ հակառակորդների բանտարկմամբ»։
«Միացյալ Նահանգները 33 տարի եղել է Վրաստանի և վրաց ժողովրդի գործընկերը և այդ ընթացքում եղել է Վրաստանի անկախության, ինքնիշխանության և տարածքային ամբողջականության հավատարիմ ջատագովը»,- նշել են գերատեսչությունում։
