Պենտագոնի ղեկավար Փիթ Հեգսեթը Հարավային Կորեա կատարած այցի շրջանակում այցելել է Հյուսիսային Կորեայի հետ սահմանի երկայնքով գտնվող ապառազմականացված գոտի։ Այս մասին հայտնում է Reuters-ը՝ վկայակոչելով Հարավային Կորեայի պաշտպանության նախարարությունը։
Հեգսեթը սահմանային գոտում վայրէջք է կատարելուց հետո հանդիպել է Հարավային Կորեայի պաշտպանության նախարար Ան Գյու-բեքին։ Վերջինս նշել է, որ այս այցը խորհրդանշական նշանակություն ունի և ցույց է տալիս «Հարավային Կորեա-ԱՄՆ դաշինքի ուժը և համատեղ պաշտպանական դիրքորոշումը»։
Պաշտպանության նախարարները նոյեմբերի 4-ին կանցկացնեն Անվտանգության խորհրդատվական ամենամյա համաժողովը, որի ընթացքում կքննարկեն Հյուսիսային Կորեայի դեմ համատեղ պաշտպանական պատրաստվածությունը, պաշտպանությունը հրթիռային հարձակումերից, կիբերպաշտպանությունը և համագործակցությունը տարածաշրջային անվտանգության հարցերում:
Այցն ապառազմականացված գոտի տեղի է ունեցել Կորեայի Հանրապետությունում ամերիկյան զորքերի դերի վերաձևավորման Վաշինգտոնի մտադրության ֆոնին։ Վաշինգտոնը քննարկում է Հարավային Կորեայում գտնվող 28 500 ամերիկյան զորքերի դերն ավելի ճկուն դարձնելու հարցը՝ նպատակ ունենալով պահպանել Ասիայում ուժերի հավասարակշռությունը։
