Դեռևս այս տարվա փետրվար ամսին սկսեցին շրջանառվել խոսակցություններ, որ Արցախի իշխանությունները պատրաստվում են ապամոնտաժել Մարտունի քաղաքում տեղադրված Գարեգին Նժդեհի արձանը: Տեղեկատվության հայտնվելուց հետո իշխանությունները շատ արագ հերքեցին այն:
Մարտունու քաղաքապետ Էդիկ Ավանեսյանը «Սպուտնիկ» գործակալության հետ զրույցում պնդել էր, որ նման խնդիր չկա դրված. «Արձանը տեղադրվել է 2020–ի սեպտեմբերի 26-ին։ Դեռ վրան աշխատանքներ կան անելու։ Վարպետներն աշխատում են, որևէ պահանջ, հարց արձանը հանելուն այս պահին չկա»,– ասել էր նա:
Լուրը հերքել էր նաև Արցախի Հանրապետության կրթության, գիտության և մշակույթի նախարարության աշխատակից Նվեր Դադասյանը:
Արցախցի պաշտոնյաների հերքումներին հետևեց այն, որ տեղի իշխանությունները որոշեցին սավանով փակել արձանը: Ամիսներ շարունակ Նժդեհի արձանը մնաց սքողված, իսկ բացման արարողությունը առ այսօր այդպես էլ տեղի չի ունեցել:
Ադրբեջանցիները դադարեցին պահանջել Նժդեհի արձանի ապամոնտաժումը, սակայն ինչպես երեկ հայտնի դարձավ, վերանորոգման աշխատանքների անվան տակ, արձանը ապամոնտաժելու մտադրություն ունի Արցախի ԱԽՔ Վիտալի Բալասանյանը:
Խնդրին անդրադարձ է կատարել նաև ԱԺ պատգամավոր Սոֆյա Հովսեփյանը. «Հարգելի՛ հայրենակիցներ, ինչպես և օրեր առաջ Արցախից գրել էի , կրկին մութ ամպեր են հավաքվել Գարեգին Նժդեհի արձանի շուրջ և այս անգամ այն ոչ միայն ռուս բարձրաստիճան սպայի, այլ նաև Արցախի ԱԽ քարտուղար Վիտալի Բալասանյանի ձեռքով։
