Ռուսաստանի Դաշնության նախագահ Վլադիմիր Պուտինը կարծում է, որ ամերիկացի ձեռներեց, SpaceX, Tesla ընկերության ղեկավար Իլոն Մասկի պես մարդիկ հաճախ չեն հանդիպում մարդկային պոպուլյացիայի մեջ: Նա այս մասին ասել է Բաումանի անվան Մոսկվայի պետական տեխնիկական համալսարանի ուսանողների հետ հանդիպմանը, գրում է russian.rt.com-ը:
«Գիտեք, կա մի մարդ, նա ապրում է Միացյալ Նահանգներում՝ Մասկը, որը տարված է Մարսով։ Նման մարդիկ՝ լիցքավորված որոշակի գաղափարով, հազվադեպ են պատահում մարդկային պոպուլյացիայի մեջ», - ընդգծել է նա։
Պուտինը հավելել է, որ Մարս թռչելու գաղափարը ժամանակի ընթացքում ավելի ու ավելի շատ կողմնակիցներ կգրավի, այդ թվում՝ Ռուսաստանում։
Նշենք, որ Մասկը նպատակադրված է առաջին թռիչքը կազմակերպել դեպի Կարմիր մոլորակ:
