ԱՄՆ եւ Լեհաստանի նախագահներ Դոնալդ Թրամփի եւ Անջեյ Դուդայի հանդիպումը նախատեսված ժամի փոխարեն տեւել է «մի քանի րոպե», հայտնում է Լեհաստանից Notes պորտալը։
Հանդիպումը տեղի է ունեցել Վաշինգտոնի մոտ Պահպանողական քաղաքական գործողությունների համաժողովի շրջանակում։ Բանակցություններն ի սկզբանե նախատեսվում էր մեկ ժամ։ Սակայն Թրամփը ուշացել է միջոցառումից։ Քանի որ ամերիկացի առաջնորդը պետք է ելույթ ունենար, հանդիպումը տեւել է «մի քանի րոպե»։
Դուդան դարձել է առաջին եվրոպացի առաջնորդը, ով հանդիպել է Թրամփին ԱՄՆ նախագահի պաշտոնը ստանձնելուց հետո, գրում է պորտալը։ Սպասվում է, որ այս շաբաթ Թրամփը կհանդիպի Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քիր Սթարմերի հետ։
