Իսրայելի վարչապետ Բենիամին Նեթանյահուն տեսաուղերձ է ձայնագրել անգլերենով, որում մի քանի անգամ շնորհակալություն է հայտնել ԱՄՆ նախագահ Դոնալդ Թրամփին Գազայի հատվածի հետ կապված իրավիճակում համակողմանի աջակցության եւ զենքի մատակարարումների համար, որոնք հետաձգվել էին նախկին նախագահ Ջո Բայդենի վարչակազմի կողմից։ Միաժամանակ նա եւս մեկ անգամ հայտնել է, որ Իսրայելը համաձայն է ԱՄՆ հատուկ բանագնաց Սթիվեն Ուիթքոֆի առաջարկին՝ երկարաձգել հրադադարն անկլավում, որը արմատականպաղեստինյան ՀԱՄԱՍ շարժումը, ըստ նրա, համառորեն մերժում է։«Ես ցանկանում եմ շնորհակալություն հայտնել նախագահ Թրամփին Իսրայելին ցուցաբերած անսասան աջակցության համար։ Վաշինգտոն կատարած իմ վերջին այցի ժամանակ ես ասացի, որ Դոնալդ Թրամփը լավագույն ընկերն է, որ Իսրայելը երբեւէ ունեցել է Սպիտակ տանը։ Եվ նախագահ Թրամփն ամեն օր ցուցադրում է այդ բարեկամությունը։ Նա դա ցույց է տվել Գազայի հետ կապված իր տեսլական ծրագրով, ծրագիր, որին Իսրայելը լիովին աջակցում է: Նա դա ցույց է տվել՝ մեզ ուղարկելով ուշացած ամբողջ զինամթերքը։ Եվ նա դա ցույց է տվել՝ լիովին աջակցելով Իսրայելին եւ պատանդներին ազատելու համար ճնշում գործադրելով նրանց վրա, որոնց վրա իսկապես պետք էր՝ ՀԱՄԱՍ-ի»,- ասել է Նեթանյահուն, որի տեսաելույթը տարածվել է վարչապետի գրասենյակի կողմից։Իսրայելի վարչապետը կրկնել է, որ իր երկիրն ընդունել է ժամանակավոր հրադադարը 50 օրով երկարաձգելու Ուիթքոֆի ծրագիրը, ըստ որի՝ Գազայի հատվածում մնացած պատանդների կեսը պետք է անհապաղ ազատ արձակվի, իսկ մյուս կեսը՝ զինադադարի ավարտից հետո, եթե համաձայնեցվի մշտականհրադադարը։ «Եվս մեկ անգամ. Իսրայելն ընդունել է այս ծրագիրը, ես ընդունել եմ այս ծրագիրը, բայց ՀԱՄԱՍ-ն առայժմ մերժում է այն: Բացի այդ, ՀԱՄԱՍ-ը մշտական հրադադարի պահանջներ է առաջ քաշել, որոնք լիովին անընդունելի են։ Իսրայելը որոշել է դադարեցնել բեռների եւ ապրանքների մատակարարումը Գազա, որոնք մենք տրամադրում էինք վերջին 42 օրվա ընթացքում։ Մենք դա արեցինք, քանի որ ՀԱՄԱՍ-ը գողանում է մատակարարումները եւ թույլ չի տալիս Գազայի բնակիչներին դրանք ստանալ»,- հավաստիացրել է նա:Նեթանյահուն զգուշացրել է, որ Իսրայելը «հետագա քայլեր կձեռնարկի, եթե ՀԱՄԱՍ-ը շարունակի պատանդ պահել [իսրայելցիներին]։ «Իսրայելը գիտի, որ Ամերիկան եւ նախագահ Թրամփն աջակցում են մեզ: Շնորհակալություն եւս մեկ անգամ, նախագահ Թրամփ։ Շնորհակալություն ամեն ինչի համար, ինչ անում եք, որպեսզի վերադարձնեք մեր պատանդներին, ամրապնդեք մեր անվտանգությունը եւ ապահովեք Մերձավոր Արեւելքի բոլոր ժողովուրդների բարեկեցությունը եւ խաղաղ ապագան»,- եզրափակել է նա։
