Արտակարգ ծառայությունները փրկել են մի տղամարդու, ով հինգ օր շարունակ մնացել էր Մյանմարի Սագաինգ քաղաքի շենքի փլատակների տակ հզոր երկրաշարժից հետո։ Այս մասին հայտնում է MRTV հեռուստաալիքը։
Նրանց խոսքով՝ փրկարարական գործողությունը տեւել է ավելի քան ինը ժամ։
Հզոր երկրաշարժ է տեղի ունեցել մարտի 28-ին Մյանմարում։ Թաիլանդի օդերեւութաբանական վարչությունը դրա ուժգնությունը գնահատել է 8,2 մագնիտուդ։ Դրան հաջորդել է 6,4 մագնիտուդով երկրորդ երկրաշարժը։ Աղետից տուժել է նաև Թաիլանդը, ցնցումները զգացվել են Չինաստանում և Վիետնամում։ Մյանմարում տեղի ունեցած երկրաշարժի հետևանքով զոհվել է ավելի քան 2800 մարդ։ Բանգկոկում զոհերի թիվը հասել է 22-ի:
